أبو عصام أو مهنّد *
August 6th, 2008
arab, society, tv, وآكلة
أحترنا يا قرعة من وين بدنا نبوسك
السنة الماضية..أبو عصام كان حلم كل إمرأة
لأنه كان “رجل” له هيبته ووهرته
طلّق زوجته لأنها تجرأت و قالتله “فشر”
هالسنة…مهنّد صار حلم كل إمرأة
لأنه “رجل” رومانسي ومدلّع زوجته عالآخر
وكل ما تزعل منّه بيعمل المستحيل ليرضيها
ليه هيك؟؟
كتير حابّة الناس تتجمّع على شي له قيمة
بدل الحكي البلا طعمة هيدا
طبعاً مستحيل هيدا الشي يصير
فأنا رأيي يجي أبو عصام ومهنّد يحكموا عالوطن العربي
هيك يمكن بيصير عنّا وحدة وبتخلص الأزمات بالأمة الخرى هيدي
* في حال ماحدا بيعرف الأبطال هيدول..أبو عصام شخصية بالمسلسل السوري “باب الحارة” تم عرضه رمضان الماضي..ومهنّد شخصية بالمسلسل التركي المدبلج “نور” الذي يعرض الآن على محطة الأم بي سي 4…بإختصار, باب الحارة ونور حركوا الشعب العربي أكثر من أيّ قضية من قضايا ومصائب الوطن العربي التي لا تحصى
5 Responses
-
nightS August 6, 2008 at 11:17 am
-
اول شي كيفك؟
تاني شي ابو عصام انا ما بعرفو بس مهند لحقني طراطيش عنو لما كنت ببيروت وصراحة شكلو كتير باهت ومتل المسلول ومش عارفي ليش كل هالنسوان قاتلين حالهن عليه بهالشكل
بس من جهة تانية بفكر انو هالقد الشعب العربي يائس وفات بالحيط من زمان وعارف تماما انو مش طالع بأمرو شي فبصير مهند وامثالو فشة خلق وحلم يقظة ليداوو فيها جروح واقع ما بيتداوى
عم بتفلسف متل العادة معلش بعدين من ايمتى تغير شكل مدونتك؟؟ ما معي خبر -
Khawwta August 6, 2008 at 11:43 pm
-
nightS August 9, 2008 at 2:59 pm
-
Ibn Bint Jbeil August 11, 2008 at 3:35 pm
Note: I didn’t watch the two series..I knew about these events in the stories from my friends and relatives who watched every single episode of the series..